ساكت ليه
ساكت ليه
ما تتكلم بقي
ليه دايما تسكت كده وكأن ولادك مش فارقين معاك ولا مهمين عندك
ماتتكلم وتتدافع عنهم
هما مش ولادك واللي يمسهم يمس حدقة عينك
ماتتكلم بقي
تعبت من سكاتك وصمتك
دافع عن المظلوم واجبر الكسور اللي كل مدي المها بيشتد
ليه لازم نموت من كتر الضغط النفسي وانت واخد دور المتفرج
ليه ده إهانة ولادك إهانة ليك
اهانة ....كمان في مقدساتك
اتكلم ...رد
ليه لازم نموت من القهر وبعدين تتدافع بعد ماتكون حياتنا علي الارض انتهت
ليه سايب الشرير يبرطع في الارض بالطول والعرض وفاكر انه هو الصح ومعاه كل الحق
واولادك المساكين مجربين معذبين مكروبين
والشرير بيصرخ في المهم ههه وشمتان في اللي بيجرالهم
طب ليه عالاقل لو مش عايز تتكلم
طب وسع القلب يتحمل الالم ويتحد بيك ويسيبها عليك
اتكلم
كان عنده حق ارميا لما قالك
لماذا تنجح طريق الاشرار
اطمأن كل الغادرين غدرا
واساف لما رتل المزمور 73
وقالك كل اللي في قلبه
لاني غرت من المتكبرين ...اذ رأيت سلامة الاشرار
انا اسفة يارب
بخرج اللي في قلبي عشان اهدا وارتاح
بتكلم معاك واعاتبك عشان انت الوحيد اللي بتقبل العتاب وتحب نجيلك ونحط قدامك كل اللي في القلب حتي مشاعرنا الغلط
اشكيلك واحكيلك احسن مااخد همومي وابعد عنك ...اشكيلك وافضفض واعاتبك والومك واسألك ...احسن ماابعد واقول اني مش فارقة ولا مهمة عندك
قلبي موجوع ونفسي ترد ...
قلبي متألم مكروب ....ونفسه في طبطبة منك
قلبي ضيق ومشتاق توسعه
قلبي مكسور ومحتاج تجبر كسره وترجعه سليم وقادر علي اللي بيشوفه
قلبي مشتاقلك ...مشتاق لعملك
مشتاق لتعزيااتك
مشتاق يمينك تمتد وتخلص وترفع
حتي لو ده هيحصل بعد ماانموت ونيجي عندي
ساعدني ومتسبنيش ارحل بالمي بعيد عنك
محتاجة لك اوووووي
وهختم كلامي بداود اللي قال في مزمور
لاتغر من الاشرار ولا تحسد عمال الاثم
فانهم مثل الحشيش سريعا يقطعون ومثل العشب الاخضر يذبلون...
ممكن ترد
حسسني باي لمسة تعزية منك...فرحني
انا تعبانة اوي يارب
تعليقات
إرسال تعليق