الفرح ‏الحقيقي

-
برغم انه بوست حزين شوية بس واقعي جداً
هتفرح باايه 
هو في حاجة في العالم تفرح
هتفرح بوظيفة ماهي ممكن تروح منك في ثانية 
او تلاقي مديرك فيها بيضايقك
هتفرح بامتلاك مقتنيات من العاالم 
ماهي في لحظة هتضيع منك 
لالالا مش ده اللي يفرح
هتفرح علشان نجحت واتخرجت 
ماانت ممكن متلاقيش شغل 
وتلاقي نفسك قاعد في البيت ولا ليها اي قيمة شهادتك
وانتي هتفرحي علشان جالك عريس امووور حلو ومسمسم وجميل 
اخلاق وصفات وكمان ابن ربنا وكمان مريش ومعاه ومعاه
لالالا مش ده اللي يفرح برضه
اصل ممكن فجأة متلقيهوش ولا تلاقي طباعه اتغيرت واصبح في لحظة واحد متعرفيهوش
هتفرحي علشان هتبقي ام وربنا هيديكي ثمرة البطن اللي هي عطية منه
لالالا ده ميفرحش اصلها مسئولية كبيرة لو مكنتيش امينة عليها هتموت الامومة وهيتقال كلام وكلام يطلعوا اولادك مش بيحترموكي ويستخسروا يقولوك ماما
ايه في العالم ممكن يفرح
هتفرح بعشرة اشخاص مكنتش تحلم بيهم
يفرحوك ودايما بكلامهم يطمنوك
ومن ربنا يقربوك واحسن معاملة بيها يعاملوك 
دايما اذا غبت يزوروك عشرتهم جميلة ومفرحة علشان فعلا بيحبوك
لالالالالالا مش ده اللي يفرح برضه
اصلهم ممكن في لحظة يسيبوك 
او ممكن يتغيروا في لحظة وينسوك
ساعتها لو كانت فرحتك فيهم هتتحول حياتك لجحيم من الحزن وصعب تنساهم زي مابسهولة نسوك
وانت فرحتك في ايه 
بجد فرحان اوي علشان بتقرا الكتاب المقدس باستمرار وقانونك الروحي بتنفذه بالحرف الواحد
ياسلام عليك وصلواتك طالعة من القلب ومعاها دموع 
قولي ده علشان تريح ضميرك وعلشان تحسس نفسك انك قديس واحسن من غيرك 
لا لالالالالا مش ده اللي يفرح علي فكرة
خالص بالعكس ده انت ممكن في لحظة تلاقي نفسك وقعت وقعة وغلطت غلطة ميغلطهاش ملحد
لو كل ده بتعمله من غير محبة ربنا ماتكون هدفك يبقي احزن واطلب منه بانسحاق قلب انه يعطيك الحب
وانت فرحتك لما ربنا يحقق املك 
وتلاقي نفسك في الدير ولابس الجلابية السودة وعلي راسك القلنسوة 
وفجأة بقيت راهب وواحد من الملائكة الارضيين وربنا استجابلك 
دعاك للحياة دي وبقي في الدير مسكنك واخدت مشتهي قلبك
مش ده اللي يفرح برضه 
اصل ممكن فجاة تلاقي نفسك بتعيش حياة غير اللي كانت في خيالك
ممكن فجأة تلاقي نفسك مليت جدا 
وبدل ماكانت الجلابية السودة والقلنسوة شهوة قلبك
اصبحت شيء ممل نفسك تتخلص منه 
اصل من البداية الهدف غلط
مش هو ده اللي يفرح قلبك
من الاخر "لا تحبوا العالم ولا الاشياء التي في العالم لان العالم يزول وشهواته معه "
ببساطة الفرحة تكون في ربنا بس
"لان فرح الرب هو قوتكم"
"تلذذ بالرب فيعطيك سؤل قلبك "
دي الفرحة الدائمة
اما اي فرح تاني هو وقتي
#من #دفاتري #القديمة

تعليقات

إرسال تعليق

المشاركات الشائعة من هذه المدونة

‎كفقراء ‏ونحن ‏نغني ‏كثيرين

-
الشماس:قدس ابونا.........ابونا بيشوى كامل قاعد وراء فى اخر الكنيسه هل ادعه يتقدم لياخذ الجسد ويناول نفسه ابونا:لا يا بنى بل اذهب الى هناك واسند جسده النحيل حتى يستطيع الحضور الى هنا كى اناوله لان يديه ترتعشان فلا يستطيع حمل الجسد بهما وفعلا يا اخواتى اسرع الشماس وامسك بيد ابونا بيشوى... حتى اوصله الى الهيكل كى يناوله ابونا لقد كان قلبه يتمزق وهو لا يستطيع حمل جسد الرب..........وكان يتمزق قلبه وهو لا يقيم قداس الرب انما يجلس فى اخر الصفوف ومع ذلك كان يذهب للكنيسه ويتناول من يد الكاهن وبعد التناول ذهب ابونا المصلى احد تلاميذ ابونا بيشوى يسلم عليه فساله ابونا بيشوى وكيف حالك وحال زوجتك فاجابه القص:انها مريضه بالبيت فدعا لها ابونا بيشوى وسلم على الشعب ومشى وبينما رجع ابينا القس الى منزله وجد زوجته معافه تعد الاكل وقالت له بفرحه:هل تعلم من حضر هنا للصلاه لى فسالها:من فقالت:انه ابونا بيشوى كامل .....جاء وصلى لى اوشيه المرضى ومن وقتها وانا فرحه جدا وبداخلى شعور بالسعاده نعم اخواتى هذا المريض المصاب بالسرطان وفى اصعب مراحله ويعانى من الامه لم يتوانى عن زياره مريضه استند على زوجت...
قراءة المزيد

مرض ‏العصر

-
كانت جميلة ورقيقة حباها الله مواهب عديدة منحها الكثير من النعم تلك التي يتمني غيرها لو يفوز بها ولم يجدها  أما هي فلم تفتح عيناها ابدا لتنظر هذه النعم.....لم تجرؤ علي خلع تلك النظارة السوداء التي عيشتها في ظلام سنين هذا عددها.... انها دائمة الاحباط... تنظر الي ماينقصها وشتان ان تنظر الي ماعندها لتفرح وتشكر بعطايا خالقها.....  هي متقوقعة حول ذاتها لا تفكر الا فيها  لا تنشغل الا بكيف توفر لذاتها كل وسائل الترفيه وكل ما لذ وطاب وكل ما فيه متعتها وحين تعجز عن توفير هذا  تتقوقع وتيأس وتنعي ظروفها وحظها ومن ثم تدخل في دوامة اكتئاب لا نهاية لها...  كيف تكبر ذاتي... لا استطيع ان افخمها واضخمها هوذا الآخرين سبقوني وتقدموا عني وانا ليس لي قدرة علي اللحاق بهم ومن ثم تعود لتيأس وتعود لتجلس في الرماد ولبس المسوح  أواه أيتها النفس الغبية  انتظر عزيزي القارئ قبل أن تلوم علي تلك النفس... انظر الي نفسك انها واحدة من ملايين يشتكون من مرض العصر هذا وهو الأنانية... التقوقع حول الذات ألا تري معي ان سبب متعبنا جميعا في الحياة هي انانيتنا الا تري معي ان سبب نكباتنا واكتئابنا...
قراءة المزيد

الغيرة قاسية كالهاوية

-
داود النبي كنت ليه بتكرهه ياشاول ده داود إللي كان جمبك.. بيعزفلك لما الروح الردئ يجيلك... عرفه وموسيقته هما اللي كانوا بيهدوك. دلوقتي داود بقي عدوك وعايز تقتله وعايز كمان تقتل أي حد يحبه ويدافع عنه حتي ابنك يوناثان نفسه إللي شتمته واهنته وحاولت تقتله لمجرد إنه دافع عن صديقه المظلوم داود داود... كنت فين إنت ياشاول لما جليات الجبار فضل يعاير شعب الله ٤٠ يوم بحالهم وإنت جبان مقدرتش تروح تحاربه مع انك كنت مشهور بطولك الفارع... كنت فين لما جليات كان عايز ياخدكم كلكم عبيد إذا أنتصر عليكم مفيش ولا جندي قدر يقاومه...داود الفتي الشجاع القوي بالله إللي كان صبي صغير أخره يرغي الغنم هو اللي حط روحه في كفه متحملش تجديف جليات علي شعب الله وراح وهزمه بقوة الهه وانقذ شعبه من الجبار المتكبر ده... ودي أخرتها خير يعمل شر يلقي... ده بدل ماتكرمه ومتجوزه بنتك وتخليه جمبك وتعترف بجميله دايما ومتنساش إزاي بشجاعته انقذك إنت ومملكتك دي... لكن في لحظة كل ده يتنسي وتفتكر بس هتاف البنات ضرب شاول الوفه وداود ربواته... ده إيه الغل إللي فيك ده ياشاول... ايه الغيرة المرة دي علي رأي سليمان الحكيم الغيرة قاسية كالهاوية...
قراءة المزيد